ಲಿಂಗಾಯತ ಕ್ರಾಂತಿ Just another WordPress site
Related Articles
ಹುಕ್ಕೇರಿ: ತಾಲೂಕಿನ ಹೆಬ್ಬಾಳ ಗ್ರಾಮದಲ್ಲಿ ಶ್ರಾವಣ ಮಾಸದ ಪ್ರಯುಕ್ತ ಹಮ್ಮಿಕೊಂಡಿದ್ದ ಸಿದ್ದಯ್ಯ ಪುರಾಣಿಕ ವಿರಚಿತ ಶರಣರ ಚರಿತಾಮೃತ ಪ್ರವಚನ ಕೈಂಕರ್ಯ ನೆರವೇರಿತು.
ಬಸವಾದಿ ಪ್ರಮಥರ ಆತ್ಮಸಮವಾದ ವಚನ ಸಾಹಿತ್ಯವನ್ನು ಪಲ್ಲಕ್ಕಿಯಲ್ಲಿ ಇಟ್ಟು ಉತ್ಸವ ಜರುಗಿತು.
ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಮಚಿತ್ತದ ರಂಗೋಲಿ ಅಲಂಕೃತಗೊಂಡ, ಜಾತಿ ಭೇದ ಭಾವವಿಲ್ಲದೆ ತಂದೆ ಬಸವಣ್ಣ ತಾಯಿ ನಿಲಮ್ಮ ಎಂದು ಗುರು ಬಸವಣ್ಣನವರ ಮತ್ತು ಮಾತೆ ನಿಲಮ್ಮ ತಾಯಿಯ ತೋರು ಭಾವಚಿತ್ರವನ್ನಿಟ್ಟು ಶಿವಶರಣರು ಕೊಟ್ಟ ಸ್ತ್ರೀ-ಪುರುಷ ಸಮಾನತೆಯನ್ನು ಬಸವ ಭಕ್ತರು ತೋರಿಕೊಟ್ಟರು.
ನಾಡಿನಲ್ಲಿ ಭಗವತ್ಪಾದಕರೆಂಬವರು ಮಾನವ ಧರ್ಮಕ್ಕೆ ಜಯವಾಗಲಿ ಎಂದು ಮಾನವರ ಹೆಗಲಮೇಲೆ ಕುಳಿತು ಅಡ್ಡಪಲ್ಲಕ್ಕಿ ಮಾಡಿ ಉದ್ದಕ್ಕೆ ಸಾಸ್ಟಾಂಗ ಹಾಕುವುದೆಂತು ವಿಪರ್ಯಾಸ. ಜಗದ ಇತ್ಯರ್ಥಕ್ಕಾಗಿ ಮೃತ್ಯೆಕ್ಕೆ ಅವತರಿಸಿದ ಜಗದಾದಿ ದೇಶಿಕರ ಕರಬರಹದಲ್ಲಿ ಮೂಡಿಬಂದ ಕರ್ಮದ ಕತ್ತಲೆಯ ಕಳೆಯುತ್ತಿರುವ ವಚನ ಸಾಹಿತ್ಯವೆಂಬ ಅಗರ್ಭ ಸಂಪತ್ತನಿಟ್ಟು ಹೆಗಲು ಕೊಟ್ಟು ಸಂಬ್ರಮಿಸಿದರು.
ಶ್ರೀ ಮನ್ ಮಹಾರಾಜ ನಿರಂಜನ ಜಗದ್ಗುರು ಪಂಚಮ ಶ್ರೀ ಶಿವಲಿಂಗೇಶ್ವರ ಮಹಾಸ್ವಾಮೀಗಳು. ಧಾರವಾಡ ಮುರಘಾ ಮಠದ ಶ್ರೀ ಮ ನಿ ಪ್ರ ಶ್ರೀ ಮಲ್ಲಿಕಾರ್ಜುನ ಅಪ್ಪಗಳು, ಶ್ರೀ ಶಿವಬಸವ ಮಹಾಸ್ವಾಮಿಗಳು, ಹುಕ್ಕೆರೀಯ ಶ್ರೀಶರಣಬಸವ ದೇವರು ಬಸವಬಳವಿ ಸರ್ವ ಪೂಜ್ಯರ ಅಮೃತ ಹಸ್ತದಿಂದ ಭಕ್ತರಿಗೆ ಹಸ್ತಾಂತರವಾಗಿ ಬಸವ ಭಕ್ತರ ಹೃತ್ಕಮಲದಲ್ಲಿ ಸಾಗಿತು ಹೊಣತೇರಿನಲ್ಲಿ ಏರಿ ಬರುವ ರವಿಕಿರಣ ವಚನ ಪಲ್ಲಕ್ಕಿಗೆ ಮುಟ್ಟುವಲ್ಲಿ ಆಯಿತು ಮಹಾಮಂಗಳಾರತಿ ಮನ ಮನೋಹರವಾದ ದೃಶ್ಯ ಜನಮನ ಸೆಳೆಯಿತು. ಅಲಂಕೃತವಾದ ಪಲ್ಲಕ್ಕಿ ಬಸವಣ್ಣ ನೀಲಮ್ಮ ಬರುತ್ತಿರುವುದನ್ನು ನೋಡಿದರೆ ಅನಂತ ಆನಂದ ಸಾವಿರಕಣ್ಣುಗಳಿದ್ದರು ಸೇರೆಯಾಗದ ದೃಶ್ಯ.
ಲಲಾಟದಲ್ಲಿ ತ್ರಿಪುರಾಂಟ ಕೊರಳಲ್ಲಿ ಲಿಂಗ ತಲೆಯ ಮೇಲೆ ವಚನಕಟ್ಟು ಹೊತ್ತು ಸಾಲುಸಾಲಾಗಿ ಶರಣಶರಣೆಯರ ಗುಂಪುನೊಡಿದರೆ ಬಸವಕಲ್ಯಾಣದ ಕನ್ನಡಿ ಕಲ್ಯಾಣ ಹೆಬ್ಬಾಳ ಎಂಬಂತೆ ಕಂಡಿತ್ತು.
ಈ ಪರಂಪರೆ ಆಚಂದ್ರಾರ್ಕವಾಗಿ ಪ್ರತಿ ವರುಷ ಕಲ್ಯಾಣ ಹೆಬ್ಬಾಳದಲ್ಲಿ ನೆರೆವೇರುತ್ತದೆ. ವಚನ ಪಲ್ಲಕ್ಕಿ ಉತ್ಸವ ಅದು ಸಂಕೇತ ಇಲ್ಲಿಯ ಭಕ್ತರ ಜೀವನವೇ ವಚನ ನಿತ್ಯೊತ್ಸವವಾಗಿದೆ.
ಅನುಭವದ ನುಡಿಮುತ್ತುಗಳನು ಮಾತಿನಧಾರದಲ್ಲಿ ಪೋನಿಸುವುದು ಅಸಾಧ್ಯ.
