ಲಿಂಗಾಯತ ಕ್ರಾಂತಿ Just another WordPress site
Related Articles
ಹರಿಹರ: ವೀರಶೈವ ಪಂಚಮಸಾಲಿ ಪೀಠದ ಜಗದ್ಗುರು ಎನಿಸಿಕೊಂಡಿರುವ ವಚನಾನಂದರು ಮೂಲತಃ ಬಸವತತ್ವ ಅಪ್ಪಿಕೊಂಡು ಇಳಕಲ್ ಪೂಜ್ಯ ಗುರುಮಹಾಂತ ಸ್ವಾಮಿಗಳಿಂದ, ಆರ್ಥಿಕ ಸಹಾಯ ಪಡೆದು ಹೆಚ್ಚಿನ ವಿದ್ಯಾಭ್ಯಾಸ ಗಳಿಸಿದರು. ನಂತರ ಅವರೇ ನನ್ನ ಗುರುಗಳು ಎಂದು ಲಿಂಗಾಯತ ಧರ್ಮೀಯರ ಹಾಗೂ ಬಸವತತ್ವ ಅನುಯಾಯಿಗಳ ಕಣ್ಣಿಗೆ ಮನ್ನೆರಚುವ ಕಾರ್ಯಕ್ಕೆ ಸರವಾಗಿ ಕೈಹಾಕಿದ್ದಾರೆ.
ಇತ್ತೀಚಗೆ ಚಂಡಿಕಾಯಜ್ಞ ತಾವೇ ಮಾಡುವುದರ ಮೂಲಕ ತಮ್ಮ ನೈಜ ಜೀವನದ ಕುರಿತು ಲಿಂಗಾಯತರಿಗೆ ತೋರಿಸಿದ್ದಾರೆ.
ವಚನಾನಂದ ಸ್ವಾಮಿಗಳು ಲಿಂಗಾಯತರು, ಬಸವತತ್ವ ಅನುಯಾಯಿಗಳು ಕಂಡಾಗ ಇಳಕಲ್ ಗುರು ಮಹಾಂತ ಸ್ವಾಮೀಜಿಗಳ ಶಿಷ್ಯ ಎಂದು ಹೇಳುತ್ತಾ ಶ್ರೀಗಳ ಹೆಸರನ್ನು ಬಳೆಸುತ್ತಾರೆ. ಆದರೆ ವೈದಿಕರ ಆಚರಣೆಗಳನ್ನು ಸ್ವತಃ ತಾನೇ ಮಾಡುವುದರ ಮೂಲಕ ಏಕದೇವೊಪಾಸಕರಾದ ಲಿಂಗಾಯತ ಸಮಾಜದ ಮಾರ್ಯಾದೆಯನ್ನು ಮತ್ತೊಮ್ಮೆ ಹರಾಜು ಹಾಕಿದ್ದಾರೆ.
ಇಳಕಲ್ ಮಠವು ಹಾಗೂ ಅಲ್ಲಿನ ಪೂಜ್ಯರು ವೈದ್ಧಿಕರ ಧಾರ್ಮಿಕ ಆಚರಣೆಗಳನ್ನು ಕಡಾಕಂಡಿತವಾಗಿ ತಳ್ಳಿಹಾಕಿ, ತಮ್ಮ ಲಿಂಗಾಯತ ಮಠದಲ್ಲಿ ವಚನ ಸಾಹಿತ್ಯ, ಶರಣರು, ಲಿಂಗಾಯತ ಧರ್ಮದ ಕುರಿತು ಪ್ರಚಾರಗೈಯುವಲ್ಲಿ ನಾಡಿನಾದ್ಯಂತ ಹೆಸರುವಾಸಿಯಾಗಿದೆ. 
ವಚನಾನಂದ ಸ್ವಾಮಿಗಳು ನಾನು ಆ ಮಠದ ಶಿಷ್ಯ ಅಂತಾ ಹೇಳಿಕೊಂಡು ಹಿಂದೆ ತಮ್ಮ ಹರಿಹರದ ಮಠದಲ್ಲಿ ಉತ್ತರಪ್ರದೇಶದ ತಂತ್ರಗಾರರನ್ನು ಕರೆಸಿ ಮಾಟ-ಮಂತ್ರ ಮಾಡಿಸಿ ಭಕ್ತರ ಕೆಂಗಣ್ಣಿಗೆ ಗುರಿಯಾಗಿದ್ದರು.
ಲಿಂಗಾಯತ ಸಮುದಾಯದ ವೈದ್ಧಿಕತೆಯಲ್ಲಿ ಬಿದ್ದಿರುವ ರಾಜಕಾರಣಿಗಳು, ಉದ್ಯಮಿಗಳು ಕರೆದಾಗ ಅವರನ್ನು ಮೆಚ್ಚಿಸಲು ಸ್ವತಃ ತಾವೇ ಪುರೋಹಿತರ ಜೊತೆಗೆ ಕುಳಿತು ತಿನ್ನುವ ಹಣ್ಣು , ತುಪ್ಪ ಹಾಗೂ ಬೆಲೆ ಬಾಳುವ ಬಟ್ಟೆಗಳನ್ನು ಹೋಮದಲ್ಲಿ ಹಾಕುವುದು ಇಡೀ ಲಿಂಗಾಯತ ಸಮಾಜವೇ ತಲೆ ತಗ್ಗಿಸುವಂತಾಗಿದೆ.
ವಚನಾನಂದ ಸ್ವಾಮಿಗಳವರು ವೈದ್ಧಿಕ ಸ್ವಾಮಿಗಳೋ, ಅಥವಾ ಲಿಂಗಾಯತರ ಸ್ವಾಮಿಗಳೋ ಎಂಬುದನ್ನು ಅವರಿಗೆ ದೀಕ್ಷೆ ನೀಡಿದ ಗುರುಗಳು ಹಾಗೂ ಅವರ ಪೀಠದವರು ಪತ್ರಿಕಾ ಹೇಳಿಕೆ ಮೂಲಕ ಸ್ಪಷ್ಟಪಡಿಸಬೇಕು.
