Home / featured / ಜಗದ್ಭವ್ಯ ಮೇರು ಕೃತಿ : ಮಹಾತ್ಮರ ಚರಿತಾಮೃತ

ಜಗದ್ಭವ್ಯ ಮೇರು ಕೃತಿ : ಮಹಾತ್ಮರ ಚರಿತಾಮೃತ

ಲೇಖನ: ಪ್ರಕಾಶ ಗಿರಿಮಲ್ಲನವರ                                                  ಬೆಳಗಾವಿ ಮೊ : ೯೯೦೨೧೩೦೦೪೧

ಬೆಳಗಾವಿ: ಮಾನವ ಮಹಾತ್ಮರ ಚರಿತಾಮೃತ ಅಥಣಿ ಮೋಟಗಿಮಠದ ಪೂಜ್ಯ ಶ್ರೀ ಪ್ರಭುಚನ್ನಬಸವ ಸ್ವಾಮೀಜಿಯವರು ರಚಿಸಿದ ಒಂದು ಮಹೋನ್ನತ ಕೃತಿಯಾಗಿದೆ, ೨೧೬ ಜನ ಮಹಾತ್ಮರ ದಿವ್ಯಜೀವನದ ದರ್ಶನ ಇಲ್ಲಿದೆ. ಇದೊಂದು ವಿನೂತನ ಹೆಬ್ಬೊತ್ತಿಗೆ, ಅಧ್ಯಾತ್ಮಜೀವಿಗಳಿಗೊಂದು ದಾರಿದೀಪ. ಕರುಣಾಳು ಬೆಳಕು, ಪ್ರಾಸಾದಿಕ ಗ್ರಂಥ, ಗ್ರಂಥಗಳಿಗೆ ಗ್ರಂಥರಾಜ, ಅನೇಕ ಗ್ರಂಥಗಳಿಗೆ ವಸ್ತುವಾಗಬಲ್ಲ ವಿಷಯ ವೈಫಲ್ಯವುಳ್ಳ ಗ್ರಂಥ. ಕರ್ನಾಟಕ – ಭಾರತ – ವಿದೇಶಿ ಮಹಾತ್ಮರೂ ಇಲ್ಲಿ ಎಡೆಪಡೆದಿದ್ದಾರೆ, ಈ ಮಹಾತ್ಮರೆಲ್ಲ ಉಪಮಿಸಬಾರದ ಉಪಮಾತೀತರು, ಕಾಲಕರ್ಮರಹಿತರು. ನಮ್ಮ ನಡುವೆ ಬದುಕಿ, ಬಾಳಿದ ಪುಣ್ಯಪುರುಷರು. ಇಂತಹ ಮಹಾತ್ಮರನ್ನು ನೆನೆಯುವುದೇ ನಮ್ಮ ಉದಯ; ಮರೆಯುವುದೇ ಅಸ್ತಮಾನ ! ಅಂಕಲಗಿ ಅಡವಿಸಿದ್ದೇಶ್ವರರಿಂದ ಪ್ರಾರಂಭವಾದ ಈ ಚರಿತಾಮೃತ, ಹೊಸಳ್ಳಿ ಬೂದೀಶ್ವರ ಶಿವಯೋಗಿಗಳ ವರೆಗೆ ಎಲ್ಲ ಮಹಾತ್ಮರ ಸಂಕ್ಷಿಪ್ತವಾದ ಸಮಗ್ರವಾದ ವಿವರಣೆ ಈ ಕೃತಿಯಲ್ಲಿ ದೊರೆಯುತ್ತದೆ. ಮಹಾತ್ಮರಿಗೆ ಯಾವುದೇ ಜಾತಿ ಧರ್ಮದ ಹಂಗಿಲ್ಲ. ಹೀಗಾಗಿ ಇಲ್ಲಿರುವ ಎಲ್ಲ ಮಹಾತ್ಮರು ವಿಶ್ವಮಾನವರು, ಜಾತಿ – ಮತ – ಪಂಥಗಳನ್ನು ಮೀರಿ ನಿಂತ ಮಹನೀಯರು. ಸಿದ್ಧಗಂಗಾಮಠದ ಶ್ರೀ ಶಿವಕುಮಾರ ಮಹಾಸ್ವಾಮಿಗಳು, ಮುರುಗೋಡ ಮಹಾಂತ ಶಿವಯೋಗಿಗಳು, ನಾಗನೂರು ಶಿವಬಸವ ಸ್ವಾಮಿಗಳು, ಭಾಲ್ಕಿ ಚೆನ್ನಬಸವ ಪಟ್ಟದ್ದೇವರು, ಮೊದಲಾದ ಶತಾಯಿಷಿಗಳ ಬದುಕು ಇಲ್ಲಿದೆ.

ಶಿಶುನಾಳ ಶರೀಫ , ಬಂದೇನವಾಜ , ಸಾವಳಗಿ ಶಿವಲಿಂಗೇಶ್ವರ ಮೊದಲಾದ ಭಾವೈಕ್ಯ ಮೇರುಗಳು , ಮಹಮ್ಮದ ಪೈಗಂಬರ್, ಏಸು ಕ್ರೈಸ್ತ, ಝರತುಷ್ಟ ಮೊದಲಾದ ವಿದೇಶಿ ಪ್ರವಾದಿಗಳು, ಸಜ್ಜಲಗುಡ್ಡದ ಶರಣಮ್ಮ, ಗಡಹಿಂಗ್ಲಜ ಚಂದ್ರಮ್ಮ ತಾಯಿ, ಮೀರಾ, ಅಂಡಾಳ ಮೊದಲಾದ ಮಹಿಳಾ ಆನುಭಾವಿಗಳು, ಸಿದ್ಧಾರೂಢರು, ಶಿವಾನಂದರು, ಶಿವಪುತ್ರ ಸ್ವಾಮಿಗಳವರಂತಹ ಆರೂಢ ಜ್ಯೋತಿಗಳು. ಹಳಕಟ್ಟಿ, ಹರ್ಡೇಕರ ಮಂಜಪ್ಪ , ಉತ್ತಂಗಿ ಚೆನ್ನಪ್ಪ ಮೊದಲಾದ ವಚನ ಸಾಹಿತ್ಯ ಸಾಧಕರು, ೧೨ ನೇ ಶತಮಾನದ ಬಸವಣ್ಣ , ಅಲ್ಲಮ, ಸಿದ್ದರಾಮ, ಗೋರಖನಾಥರಿಂದ ಹಿಡಿದು, ೨೦ ನೇ ಶತಮಾನದ ಗದುಗಿನ ಜಗದ್ಗುರು ತೋಂಟದ ಸಿದ್ಧಲಿಂಗ ಮಹಾಸ್ವಾಮಿಗಳವರ ವರೆಗೆ ಎಲ್ಲ ವಯೋಮಾನದ ಎಲ್ಲ ಕಾಲದ ಮಹಾತ್ಮರ ಜೀವನ – ಸಾಧನೆ – ಸಿದ್ಧಿಗಳ ವಿವರ ಈ ಒಂದು ಕೃತಿಯಲ್ಲಿ ದೊರೆಯುತ್ತದೆ . ಜೀವನದ ವಿಕಾಸ – ವಿಸ್ತಾರ – ವಿಮುಕ್ತಿಯ ದಾರಿಯನ್ನು ಈ ‘ ಮಹಾತ್ಮರ ಚರಿತಾಮೃತ ‘ ತರೆದು ತೋರಿಸುತ್ತದೆ . ಇಂದು ಮನುಷ್ಯ ತನ್ನ ಅಸ್ತಿತ್ವವನ್ನೂ ಅಸ್ಮಿತೆಯನ್ನೂ ಕಳೆದುಕೊಂಡು ತೊಳಲಾಡುತ್ತಿದ್ದಾನೆ . ಅಸ್ತಿತ್ವ ಮತ್ತು ಅಸ್ಮಿತೆಯ ಹುಡುಕಾಟವೇ ಈ ಮಹಾತ್ಮರ ಚರಿತಾಮೃತವಾಗಿದೆ . ಮನುಷ್ಯ ಇಂದು ಪ್ರಕೃತಿ ಪರಿಣಾಮದ ಒಂದು ಪರ್ವ ಸಂಧಿಯಲ್ಲಿ ಸಿಕ್ಕುಬಿದ್ದಿದ್ದಾನೆ . ಕರೋನಾದಂತಹ ಭಯಂಕರ ರೋಗದ ಭಯದಲ್ಲಿ ಅವನೀಗ ತನ್ನ ಮುಂದಿನ ದಾರಿಯನ್ನು ಆರಿಸಿಕೊಳ್ಳಬೇಕಾಗಿದೆ . ಮನುಷ್ಯನ ಮನ ಇಂದು ಒಂದು ವೈಷಮ್ಯದ ಗೊಂದಲಕ್ಕೆ ಸಿಕ್ಕಿದೆ . ಕೆಲಕೆಲವು ವಿಷಯಗಳಲ್ಲಿ ಆವನು ಅಸಾಧ್ಯವಾದ ಅಭ್ಯುದಯ ಹಾಗು ಉತ್ಕರ್ಷವನ್ನು ಸಾಧಿಸಿದ್ದಾನೆ . ಹಾಗೆಯೇ ಇನ್ನು ಕೆಲವು ದಿಕ್ಕುಗಳಲ್ಲಿ ಅವನ ಪ್ರಗತಿ ಕುಂಠಿತವಾಗಿ ದಿಗ್ಭ್ರಾಂತಗೊಂಡಿದೆ . ಮುಂದಿನ ದಾರಿ ಸಿಗದಂತಾಗಿದೆ . ನಿತ್ಯ ಚಂಚಲ ಪ್ರಾಣ – ಸಂಕಲ್ಪ ಮತ್ತು ಮನಸ್ಸು ನೀಗದ ಜಟಿಲತೆಯನ್ನು ನಿರ್ಮಿಸಿವೆ . ಅದಕ್ಕೆ ಕೊನೆಯೇ ಇಲ್ಲ . ಈ ಎಲ್ಲ ಸಮಸ್ಯೆಗಳಿಗೆ ಸೂಕ್ತ ಉತ್ತರವಾಗಿ ಮಹಾತ್ಮರ ಚರಿತಾಮೃತ ನಮ್ಮ ಮುಂದಿದೆ . ಕರೋನಾ ಸಂಕಷ್ಟ ಕಾಲದಲ್ಲಿ ಇಡೀ ಜಗತ್ತು ಆತಂಕದಲ್ಲಿತ್ತು . ವಿಷಾದಯೋಗದಲ್ಲಿತ್ತು . ಇಂಥ ಸಂದರ್ಭದಲ್ಲಿ ಪೂಜ್ಯ ಶ್ರೀ ಪ್ರಭು ಚನ್ನಬಸವ ಸ್ವಾಮೀಜಿಯವರು ಇಂಥ ಒಂದು ಮಹಾನ್ ಗ್ರಂಥ ರಚನೆಯ ಹೊಳಹು ಹಾಕಿ , ಕಾರ್ಯಪ್ರವೃತ್ತರಾದರು . ಒಂದು ವರ್ಷದ ಅವಧಿಯಲ್ಲಿ ನಾಲ್ಕು ನೂರಕ್ಕಿಂತ ಹೆಚ್ಚು ಗ್ರಂಥಗಳನ್ನು ಅಧ್ಯಯನ ಮಾಡಿದರು , ಸಾವಿರಾರು ಲೇಖನಗಳನ್ನು ಪರಿಶೀಲಿಸಿದರು . ಪ್ರತಿಯೊಂದು ಚರಿತ್ರೆಯೂ ಅಧಿಕೃತವಾಗಬೇಕೆಂಬ ಉದ್ದೇಶದಿಂದ ನೂರಾರು ವಿದ್ವಾಂಸರನ್ನು ಸಂಪರ್ಕಿಸಿದರು . ವರ್ಷಗಳು , ಘಟನೆಗಳು ಎಲ್ಲವೂ ಚಾರಿತ್ರಿಕವಾಗಿ ಐತಿಹಾಸಿಕವಾಗಿರಲೆಂದು ತುಂಬ ಶ್ರಮವಹಿಸಿದರು . ಒಂದೊಂದು ಚರಿತ್ರೆಯೂ ವಿನೂತನವಾಗಿವೆ . ಒಬ್ಬರ ಚರಿತ್ರೆ ಓದಿದ ನಂತರ , ಇನ್ನೊಬ್ಬ ಮಹಾತ್ಮರ ಚರಿತ್ರೆ ಓದಲು ತೊಡಗಿದರೆ , ಅಲ್ಲಿಯ ಹೊಸ ಅನುಭವ ಬೇರೆಯೇ ಆಗಿರುತ್ತದೆ . ಅಷ್ಟು ಆಪ್ಯಾಯಮಾನವಾದ ಶೈಲಿಯನ್ನು ಶ್ರೀಗಳು ಬಳಸಿದ್ದಾರೆ . ಇಲ್ಲಿಯ ಭಾಷೆಯ ಬಗ್ಗೆ ವಿಶೇಷವಾಗಿ ಹೇಳಬೇಕು . ಸ್ವಾಮೀಜಿ ಅವರದೇ ಒಂದು ಶೈಲಿ ಇದೆ . ಅದು ಪ್ರಾಸಾದಿಕ ಶೈಲಿ , ಅವರು ಅರ್ಥೈಸುವ ರೀತಿ , ವಿವೇಚಿಸುವ ಬಗೆ , ಒಂದೊಂದು ಪರಿಭಾವನಾರ್ಹ , ಬೆಡಗನ್ನು ಬಿಚ್ಚಿ ತೋರಿಸುವ – ಉಪಮೆ , ಪ್ರತಿಮೆ ಸಂಕೇತಗಳಲ್ಲಿ ನಿನದಿಸುವ ಧ್ವನಿಯ ಹೊರಹೊಮ್ಮಿಸುವ ಕಲೆ ಶ್ರೀಗಳಿಗೆ ಹಸ್ತಗತವಾಗಿದೆ . ಆ ಭಾಷೆಯನ್ನು ಓದಿಯೇ ಅನುಭವಿಸಬೇಕು . ಅಷ್ಟೊಂದು ರಸಮಯವಾದ ಭಾಷೆಯನ್ನು ಬಳಸಿದ್ದಾರೆ . ಮಹಾತ್ಮರ ಚರಿತಾಮೃತ ಒಂದು ಅದ್ಭುತ ಕಥನಕಾವ್ಯವಾಗಿದೆ . ಸಾವಿರಾರು ವರ್ಷಗಳ ಮತ್ತು ಸಮಕಾಲೀನರ ಜೀವನ ಚಿತ್ರಣವನ್ನು ಇಷ್ಟು ಸುಂದರವಾಗಿ ಹಿಡಿದಿಡಲು ಬಹುಕಷ್ಟಸಾಧ್ಯವಾದುದು . ಶ್ರೀಗಳು ಈ ಮಹಾತ್ಮರ ಜೀವನದಲ್ಲಿ ಒದಗಬಹುದಾದ ಅನೇಕ ಸಂದರ್ಭಗಳನ್ನು ರಸವತ್ತಾಗಿ ಚಿತ್ರಿಸಿದ್ದಾರೆ. ಶ್ರೀಗಳ ಕಾವ್ಯಮಯ ಶೈಲಿಯಲ್ಲಿ ಈ ಚರಿತ್ರೆಗಳು ದಾಖಲಾದ ನಿರರ್ಗಳವಾಗಿ ಪ್ರಹಿಸಿದೆ . ವಸ್ತು , ಗುಣ , ಗಾತ್ರಗಳಿಂದ ಈ ಕೃತಿ ಮಹತ್ತಾಗಿದೆ . ಪ್ರಭುಚನ್ನಬಸವ ಸ್ವಾಮೀಜಿಯವರ ಪ್ರತಿಭೆಯಲ್ಲಿ ಅರಳಿ ಮೂಡಿ ನಿಂತ ಈ ಮಹಾಕೃತಿಯು ಕನ್ನಡಕ್ಕೊಂಡು ವಿಶಿಷ್ಟ ಕೊಡುಗೆಯಾಗಿದೆ . ಕಾಣಿಕೆಯಾಗಿದೆ . ಸಂಸ್ಕೃತ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿಗಳಾದ ಶಾಸ್ತಚೂಡಾಮಣಿ ಪ್ರೊ . ಮಲ್ಲೇಪುರಂ ಜಿ . ವೆಂಕಟೇಶ ಅವರು ಮುನ್ನುಡಿಯಲ್ಲಿ ಬರೆಯುತ್ತ , ‘ ಭಾರತೀಯ ಸಾಹಿತ್ಯ ಪ್ರಕಾರದಲ್ಲಿ ಇಂತಹದೊಂದು ಪ್ರಯೋಗ ನಡೆದಿಲ್ಲವೆಂದು ‘ ಹೇಳಿರುವುದು ಉತ್ತೇಕ್ಷೆಯ ಮಾತಲ್ಲ . ಇದು ನಿಜವಾಗಿಯೂ ಒಂದು ಅನನ್ಯ ಪ್ರಯೋಗ . ಇಂಥ ಮಹಾನ್ ಕೃತಿಯನ್ನು ರಚಿಸಿದ ಪೂಜ್ಯ ಶ್ರೀ ಪ್ರಭುಚನ್ನಬಸವ ಸ್ವಾಮೀಜಿ ಅವರು ಸಮಸ್ತ ಕನ್ನಡಿಗರ ಗೌರವಾಭಿನಂದನೆಗಳಿಗೆ ಪಾತ್ರರಾಗಿದ್ದಾರೆ.

ಮಹಾತ್ಮರ ಚರಿತಾಮೃತ ಲೋಕಾರ್ಪಣೆ

ಅಥಣೀಶರ ಮಹಾತ್ಮರ ಚರಿತಾಮೃತ ಕೃತಿಯು ೨೫ ಸೆಪ್ಟೆಂಬರ್ ೨೦೨೧ ಶನಿವಾರ ಬೆಳಿಗ್ಗೆ ೧೦-೩೦ ಗಂಟೆಗೆ ಬೆಂಗಳೂರಿನ ವಿಜಯನಗರದಲ್ಲಿರುವ ಶ್ರೀ ಬಸವೇಶ್ವರ ಸುಜ್ಞಾನ ಮಂಟಪದಲ್ಲಿ ಲೋಕಾರ್ಪಣೆಯಾಗಲಿದೆ . ಕರ್ನಾಟಕ ಸರಕಾರದ ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ ಬಸವರಾಜ ಬೊಮ್ಮಾಯಿ ಅವರು ಈ ಕೃತಿಯನ್ನು ಲೋಕಾರ್ಪಣೆ ಮಾಡುವರು . ಪೂಜ್ಯ ಶ್ರೀ ಜಗದ್ಗುರು ಶಿವರಾತ್ರಿ ದೇಶಿಕೇಂದ್ರ ಮಹಾಸ್ವಾಮಿಗಳವರು , ಜಗದ್ಗುರು ಸುತ್ತೂರು ಸಂಸ್ಥಾನಮಠ , ಮೈಸೂರು , ಪೂಜ್ಯ ಶ್ರೀ ಜಗದ್ಗುರು ಡಾ . ತೋಂಟದ ಸಿದ್ಧರಾಮ ಮಹಾಸ್ವಾಮಿಗಳವರು ಜಗದ್ಗುರು ತೋಂಟದಾರ್ಯ ಸಂಸ್ಥಾನಮಠ ಎಡೆಯೂರು – ಡಂಬಳ – ಗದಗ , ಪೂಜ್ಯ ಶ್ರೀ ಜಗದ್ಗುರು ಡಾ . ಶಿವಮೂರ್ತಿ ಮುರುಘಾ ಶರಣರು ಜಗದ್ಗುರು ಶ್ರೀ ಮುರುಘರಾಜೇಂದ್ರ ಬೃಹನ್ಮಠ ಚಿತ್ರದುರ್ಗ , ಪೂಜ್ಯ ಶ್ರೀ ಜಗದ್ಗುರು ಡಾ . ನಿರ್ಮಲಾನಂದನಾಥ ಮಹಾಸ್ವಾಮಿಗಳವರು ಜಗದ್ಗುರು ಶ್ರೀ ಆದಿಚುಂಚನಗಿರಿ ಸಂಸ್ಥಾನಮಠ ಆದಿಚುಂಚನಗಿರಿ, ಪೂಜ್ಯ ಶ್ರೀ ಮ.ನಿ.ಪ್ರ. ಸಿದ್ಧಲಿಂಗ ಮಹಾಸ್ವಾಮಿಗಳು ಶ್ರೀ ಸಿದ್ಧಗಂಗಾಮಠ, ಸಿದ್ಧಗಂಗಾ, ಪೂಜ್ಯ ಶ್ರೀ ಡಾ. ಬಸವಲಿಂಗ ಪಟ್ಟದ್ದೇವರು ಹಿರೇಮಠ ಸಂಸ್ಥಾನ, ಭಾಲ್ಕಿ, ಪೂಜ್ಯ ಶ್ರೀ ಮ.ನಿ.ಪ್ರ. ಶಿವರುದ್ರ ಮಹಾಸ್ವಾಮಿಗಳು ಬೇಲಿಮಠ, ಬೆಂಗಳೂರು ಅವರ ಪಾವನ ಸಾನ್ನಿಧ್ಯದಲ್ಲಿ ಸರ್ವೋಚ್ಛ ನ್ಯಾಯಾಲಯದ ವಿಶ್ರಾಂತ ನ್ಯಾಯಾಧೀಶರಾದ ಶ್ರೀ ಶಿವರಾಜ ಪಾಟೀಲ ಕಾರ್ಯಕ್ರಮವನ್ನು ಉದ್ಘಾಟಿಸುವರು. ಪುಸ್ತಕ ಕುರಿತು ಮಲ್ಲೇಪುರಂ ಜಿ. ವೆಂಕಟೇಶ ಮಾತನಾಡುವರು. ಡಾ. ಸಿ ಸೋಮಶೇಖರ ಆಶಯ ನುಡಿಗಳನ್ನಾಡಲಿದ್ದಾರೆ. ಸಿ. ಸೋಮಣ್ಣ, ಬಿ. ಎಸ್. ಪರಮಶಿವಯ್ಯ, ಡಾ. ಹಂಸಲೇಖ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು. ಇದೇ ಸಂದರ್ಭದಲ್ಲಿ ಗ್ರಂಥ ದಾಸೋಹ ನೀಡಿದ ಚಂದ್ರಕಾಂತ ಬೆಲ್ಲದ, ಶಿವರಾಜ ಪಾಟೀಲ, ಶಂಕರ ಕೋಳಿವಾಡ ಅವರನ್ನು ಸನ್ಮಾನಿಸಲಾಗುವುದು. ಕರ್ನಾಟಕದ ವಿವಿಧ ಭಾಗದ ನೂರಕ್ಕೂ ಹೆಚ್ಚು ಮಠಾಧೀಶರು, ಈ ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಕಾರ್ಯಕ್ರಮದ ನಂತರ ಸಂಗೀತ ಸಂಭ್ರಮ ಜರುಗುವುದು.

About Shivanand

Admin : Lingayat Kranti Monthly news paper 8884000008 [email protected]

Check Also

ಬಸವಧರ್ಮದ ಕಾಯಕಯೋಗಿ ಬಸವ ಸಿದ್ಧಲಿಂಗ ಶ್ರೀಗಳಿಗೆ 50ವರ್ಷ

  ಲೇಖನ: ಶಿವಾನಂದ ಮೆಟ್ಯಾಲ ನೇಗಿನಹಾಳ ನೇಗಿನಹಾಳ: 12ನೆಯ ಶತಮಾನದಲ್ಲಿ ನಡೆದ ಕಲ್ಯಾಣ ಕ್ರಾಂತಿಯ ನಂತರ ಬಸವಾದಿ ಶರಣರು ವಚನ …

“ಶಿವಾನುಭವ” ಪತ್ರಿಕೆ ಮರುಮುದ್ರಣಕ್ಕೆ ಲಿಂಗಾಯತ ನಾಯಕ ಡಾ‌. ಎಂ ಬಿ ಪಾಟೀಲ ಒತ್ತಾಯ

ಬೆಂಗಳೂರು: ಡಾ. ಫ.ಗು. ಹಳಕಟ್ಟಿಯವರ ಸಂಪಾದಿತ “ಶಿವಾನುಭವ” ಪತ್ರಿಕೆಯ ಮರುಮುದ್ರಣ ಕಾರ್ಯವನ್ನು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯಿಂದ ಕೈಗೊಳ್ಳಬೇಕೆಂದು ಲಿಂಗಾಯತ …

ನೇಗಿನಹಾಳ ಗ್ರಾಮದ ಸಮಸ್ಯೆಗಳ ಆಲಿಸಿದ ತಹಶಿಲ್ದಾರ್ ಬಸವರಾಜ ನಾಗರಾಳ್

ಗ್ರಾಮದ ಜನತಾ ಕಾಲನಿಯಲ್ಲಿ ನೀರು ನುಗ್ಗಿದ್ದರಿಂದ ಮನೆಗಳು ಬಿದ್ಧಿರುವ ಸ್ಥಳಗಳಿಗೆ ಬೇಟಿ ನೀಡಿದರು. ನೇಗಿನಹಾಳ (ಬೆಳಗಾವಿ) : ಗ್ರಾಮದಲ್ಲಿನ ಸಮಸ್ಯೆಗಳನ್ನು …

ಬಸವಣ್ಣ ದಕ್ಷಿಣ ಭಾರತದ ಪರ್ಯಾಯ ಬುದ್ದ

ಲಿಂಗಾಯತ ಕ್ರಾಂತಿ: ಎಂ.ಎಂ.ಕಲ್ಬುರ್ಗೀ ಸರ್ ಬರೆದಂತ ಬಸವಣ್ಣ ದಕ್ಷಿಣ ಭಾರತದ ಪರ್ಯಾಯ ಬುದ್ದ ಎನ್ನುವ ಶೀರ್ಷಿಕೆಯನ್ನು ಇಲ್ಲಿ ಬಳಸುತ್ತಿರುವೆ.ಕಲ್ಬುರ್ಗಿ ಸರ್ …

ವಚನ ಸಾಹಿತ್ಯ ಬೆಳಕಿಗೆ ತಂದವರು ಡಾ.ಫ.ಗು.ಹಳಕಟ್ಟಿಯವರು: ಡಾ. ಎಂ ಬಿ ಪಾಟೀಲ

  ವಿಜಯಪುರ: ಹರಿದು ಹಂಚಿ ಹೋಗಿದ್ದ ವಚನ ಸಾಹಿತ್ಯವನ್ನು ಹುಡುಕಿ ಪ್ರಕಟಿಸಿ, ಪ್ರಚಾರ ಮಾಡಿ, ಬೆಳಕಿಗೆ ತಂದವರು ವಚನಪಿತಾಮಹರೆಂದೇ ಖ್ಯಾತರಾದವರು …

ಅಂಬೇಡ್ಕರ್ ತತ್ವಗಳನ್ನು ಅರಿತಾಗ ಸಂವಿಧಾನದ ಆಶಯಗಳ ಅನುಷ್ಠಾನ ಸಾಧ್ಯ: ನಿಜಗುಣಾನಂದ ಶ್ರೀ

  ಎಂ.ಕೆ.ಹುಬ್ಬಳ್ಳಿ: ಅಂಬೇಡ್ಕರ್ ಅವರ ತತ್ವಗಳನ್ನು ಕೇವಲ ಕಾನೂನು ನ್ಯಾಯಾಂಗದ ಚೌಕಟ್ಟಿನಲ್ಲಿ ಮಾತ್ರ ಜನರು ಒಪ್ಪಿಕೊಳ್ಳುತ್ತಾರೆ. ಆದರೆ ಹೃದಯಾಳದಲ್ಲಿ ಅವರ …

ಕ್ರಿ.ಪೂ. 200 ವರ್ಷಗಳ ಹಿಂದೆ…

  ಲಿಂಗಾಯತ ಕ್ರಾಂತಿ: ಕ್ರಿ.ಪೂ. 200 ವರ್ಷಗಳ ಹಿಂದೆ ಅಲೆಕ್ಸಾಂಡರ್ ದಿ ಗ್ರೇಟ್ ಗ್ರೀಕ್ ದೇಶದ ಚಕ್ರವರ್ತಿಯಾಗಿದ್ದ. ಆತ ತುಂಬಾ …

ಪ್ರಕೃತಿಯ ಆರಾಧಕಳು ಅಕ್ಕ

  ಲಿಂಗಾಯತ ಕ್ರಾಂತಿ: ಪ್ರಕೃತಿಯ ಆರಾಧನೆ ಎಂದರೆ ಸತ್ಯ ಮತ್ತು ಸೌಂದರ್ಯದ ಅನುಸಂಧಾನದ ಪ್ರಕ್ರಿಯೆ. ಪಂಚಭೂತಗಳಿಂದ ಆವೃತವಾದ ಈ ಪ್ರಕೃತಿಯು …

‘ಲಿಂಗಾಯತ’ ಚಳವಳಿಗೆ ಕಿಚ್ಚು ಹಚ್ಚಿದವರೇ ಲಿಂಗಾನಂದ ಶ್ರೀ!

  ಲಿಂಗಾಯತ ಕ್ರಾಂತಿ:  ಆ ದುರ್ದಿನಗಳಲ್ಲಿ ಬಸವಾದಿ ಶರಣರನ್ನು ಹಳ್ಳಿ ಹಳ್ಳಿಗೂ ತಲುಪಿಸಿ, ಸಾಮಾನ್ಯರಲ್ಲಿ ‘ಲಿಂಗಾಯತ’ದ ಅರಿವು ಮೂಡಿಸಿದ್ದು ಲಿಂಗಾನಂದ …

ನಿಜಗುಣಪ್ರಭು ತೋಂಟದಾರ್ಯ ಶ್ರೀಗಳಿಗೆ ಇಂದು ಪ್ರಶಸ್ತಿ ಪ್ರದಾನ

  ಚನ್ನಮ್ಮನ ಕಿತ್ತೂರು: ಮೂರು ದಶಕಗಳಿಂದ ನಾನಾ ದೇಶಗಳನ್ನು ಸುತ್ತಿ ಬಸವ ತತ್ವಗಳನ್ನು ಬಿತ್ತುತ್ತಿರುವ ನಿಷ್ಕಲ ಮಂಟಪದ ಪೂಜ್ಯ ಶ್ರೀ …

ವಿಧಾನಸೌಧದಲ್ಲಿ ಬಸವಣ್ಣನವರ ಪುತ್ಥಳಿ ಸ್ಥಾಪನೆಗೆ ಸಿಎಂ ಸಿದ್ದತೆ

  ಬೆಂಗಳೂರು: ಲಿಂಗಾಯತ ಧರ್ಮೀಯರ ಬಹುದಿನಗಳ ಬೇಡಿಕೆಗೆ ಈಗ ಕಾಲ ಕೂಡಿಬಂದಿದೆ. ಹೌದು.! ವಿಧಾನಸೌಧದ ಆವರಣದಲ್ಲಿ ವಿಶ್ವಗುರು ಬಸವಣ್ಣನವರ ಪುತ್ಥಳಿ …

ಬ್ರಾಹ್ಮಣ್ಯ ಕೇವಲ 15% ರಷ್ಟಿರುವ ಸವರ್ಣೀಯರಲ್ಲಷ್ಟೇ ಆಚರಿಸಲ್ಪಡುತ್ತದೆಯೇ..?

ಬ್ರಾಹ್ಮಣ್ಯದ ಬಗ್ಗೆ ಇತ್ತೀಚೆಗೆ ಎಲ್ಲೆಡೆ ಬಹಳ ಚರ್ಚೆ ಆಗುತ್ತಿದೆ. ಹಾಗಾಗಿ ನನ್ನ ಸೀಮಿತ ಅರಿವಿನ ಪರಿಧಿಯಲ್ಲಿ ನನ್ನ ಅಭಿಪ್ರಾಯ ಹಂಚಿಕೊಳ್ಳಲು …

ಲಿಂಗಾಯತರಿಗೆ ಬೇಕಿರುವುದು ಬೆಲ್ಲದ್ ಅಲ್ಲ; ಎಂ.ಬಿ.ಪಾಟೀಲರಂತಹ ಸಕ್ಕರೆ!

  ಹೌದು. ಲಿಂಗಾಯತರ ಮೇಲೆ ಯಾರನ್ನೋ ತಂದು ಹೇರಬೇಡಿ. ಪರ್ಯಾಯ ನಾಯಕನನ್ನು ಹುಡುಕುವ ಮತ್ತು ಅವರ ಮತಗಳನ್ನು ತಮ್ಮಲ್ಲೇ ಉಳಿಸಿಕೊಳ್ಳುವ …

ರವಿಯೊಳಡಗಿದ ಪ್ರತಿಬಿಂಬದಂತೆ

  ಲಿಂಗಾಯತ ಕ್ರಾಂತಿ: 12 ನೇ ಶತಮಾನದ ಶರಣೆಯರಲ್ಲಿ ಆಧ್ಯಾತ್ಮಿಕ ಪಥವನ್ನು ಮುಟ್ಟಿದ ವಿಶಿಷ್ಟ ಶರಣೆ ಮುಕ್ತಾಯಕ್ಕ. ಶರಣೆ ಎನ್ನುವ …

ವೈಚಾರಿಕ ಸಾಹಿತಿ ಡಾ.ಸಿದ್ದಲಿಂಗಯ್ಯ.

ಲಿಂಗಾಯತ ಕ್ರಾಂತಿ: ಕವಿ, ಸಾಹಿತಿ, ನಾಟಕಕಾರ, ಸಂಶೋಧಕ, ವಾಗ್ಮಿ, ಬಹುಮುಖ ಪ್ರತಿಭೆ, ಶೋಷಿತರ ಸಂವೇದನೆಗಳನ್ನು ಜನಸಾಮಾನ್ಯರಿಗೂ ಅರ್ಥವಾಗುವಂತೆ ಅಕ್ಷರ ರೂಪದಲ್ಲಿ ಕಟ್ಟಿಕೊಟ್ಟ …

Leave a Reply

Your email address will not be published. Required fields are marked *