ಲಿಂಗಾಯತ ಕ್ರಾಂತಿ Just another WordPress site
Related Articles
ನಿಜಶರಣ ಅಂಬಿಗರ ಚೌಡಯ್ಯನವರ 901ನೇ ಜಯಂತ್ಯೋತ್ಸವ.
ಗಜೇಂದ್ರಗಡ: ಸಮಾಜವನ್ನು ಕಂದಾಚಾರ, ಮೌಢ್ಯ, ಅಂಧಶೃದ್ಧೆಗಳಂಥ ಆಚರಣೆಗಳಿಗೆ ದೂಡಿ, ಜನರನ್ನು ಕೀಳಾಗಿ ನಡೆಸಿಕೊಳ್ಳುತ್ತ ನಿರಂತರ ಅನ್ಯಾಯ, ಶೋಷಣೆಗೆ ಈಡು ಮಾಡಿದ್ದ ಅಂದಿನ ಸನಾತನಿಗಳ ಕಪಿಮುಷ್ಠಿಯಿಂದ ಜನತೆಯನ್ನು ಹೊರತಂದು ಸಮಾನತೆಯ ಕಲ್ಯಾಣರಾಜ್ಯದ ಕನಸು ಕಟ್ಟಿಕೊಂಡು ಹೋರಾಡಿದವರು ಅಂದಿನ ಹನ್ನೆರಡನೆ ಶತಮಾನದ ಬಸವಾದಿ ಶರಣರು. ಶರಣರು ಕಟ್ಟಿಕೊಂಡಿದ್ದ ಅನುಭವ ಮಂಟಪದಲ್ಲಿ ಏಳುನೂರ ಎಪ್ಪತ್ತು ಅಮರ ಶರಣರಲ್ಲಿ ದೋಣಿ ನಡೆಸುವ ಕಾಯಕ ಮಾಡುತ್ತಿದ್ದ ಅಂಬಿಗರ ಚೌಡಯ್ಯನವರು ಬಹು ಪ್ರಮುಖರಾಗಿದ್ದರು. ಅವರು ನಾಡು ಕಂಡ ಮೊದಲ ಬಂಡಾಯ ಬರಹಗಾರ ಎಂದೆನಿಕೊಂಡವರು. ಅವರು ಕೊಡಮಾಡಿದ ಅಮೂಲ್ಯ ವಚನಗಳ ಆಶಯದಂತೆ ನಾವಿಂದು ಬದುಕು ಕಟ್ಟಿಕೊಳ್ಳಬೇಕಾಗಿದೆ ಎಂದು ಬಸವ ತತ್ವ ಅನುಭಾವಿ, ಚಿಂತಕ ಅಶೋಕ ಬರಗುಂಡಿ ಹೇಳಿದರು.
ಅವರು ಸಮೀಪದ ರಾಜೂರ ಗ್ರಾಮದಲ್ಲಿ ತಾಲೂಕ ಅಂಬಿಗರ ಚೌಡಯ್ಯ ಸಮಾಜ ಹಾಗೂ ಜಾಗತಿಕ ಲಿಂಗಾಯತ ಮಹಾಸಭಾ ಸಹಯೋಗದಲ್ಲಿ ನಡೆದ ನಿಜಶರಣ ಅಂಬಿಗರ ಚೌಡಯ್ಯನವರ 901ನೇ ಜಯಂತ್ಯೋತ್ಸವದಲ್ಲಿ ಉಪನ್ಯಾಸ ನೀಡಿದರು. 
ಕುದರಿಮೋತಿ ಮೈಸೂರು ಮಠದ ವಿಜಯಮಹಾಂತ ಸ್ವಾಮಿ ಸಾನಿಧ್ಯ ವಹಿಸಿ ಮಾತನಾಡಿ,ಅಂಬಿಗರ ಚೌಡಯ್ಯನವರು ಅಂದು ಸಮಾಜ ಬದಲಾವಣೆಗಾಗಿ ವಚನ ರಚಿಸಿದರು. ನಿಜಶರಣರಾಗಿ ಬದುಕಿ ಲಿಂಗಾಯತರಾದರು ಎಂದರು.
ಸಮಾರಂಭದ ಅಧ್ಯಕ್ಷತೆಯನ್ನು ಅಂಬಿಗರ ಸಮಾಜದ ತಾ.ಅಧ್ಯಕ್ಷ ಪರಸಪ್ಪ ಕಟ್ಟಿಮನಿ ವಹಿಸಿದ್ದರು.ವೇದಿಕೆ ಮೇಲೆ ಜಾಗತಿಕ ಲಿಂಗಾಯತ ಮಹಾಸಭಾದ ಜಿಲ್ಲಾ ಸಮಿತಿ ಕಾರ್ಯದರ್ಶಿ ಶೇಖಣ್ಣ ಕವಳಿಕಾಯಿ, ತಾ.ಸಂಚಾಲಕ ಗುರುಲಿಂಗಯ್ಯ ಓದಸುಮಠ,ಶರಣ ಎಸ್.ಎ.ಮಗದ, ಬಸವರಾಜ ಕೊಟಗಿ, ಶಂಕ್ರಯ್ಯ ಸಾಲಿಮಠ ಅತಿಥಿಗಳಾಗಿ ಆಸೀನರಾಗಿದ್ದರು.
ತಾಲೂಕಿನ ವಿವಿಧ ಹಳ್ಳಿಗಳಿಂದ ಬಂದಿದ್ದ ಸಮಾಜದ ನೂರಾರು ಜನರು ಮುಂಜಾನೆ ಗ್ರಾಮದ ಬೀದಿಗಳಲ್ಲಿ ಅಂಬಿಗರ ಚೌಡಯ್ಯನವರ ಭಾವಚಿತ್ರದೊಂದಿಗೆ ಮೆರವಣಿಗೆ ನಡೆಸಿದರು.
ಸಮಾರಂಭದಲ್ಲಿ ಎಸ್.ಕೆ.ಕಟ್ಟಿಮನಿ, ಬಸವರಾಜ ಕಟ್ಟಿಮನಿ, ಹನಮಪ್ಪ ಸುಣಗಾರ, ಬಾಳಪ್ಪ ಸುಣಗಾರ, ಬಸವರಾಜ ಅಂಗಡಿ, ಕೆ.ಎಸ್.ಸಾಲಿಮಠ, ಮಲ್ಲಿಕಾರ್ಜುನ ಇಂಡಿ, ಮಂಜು ಹೂಗಾರ, ಬಸವರಾಜ ಶೀಲವಂತರ, ಸಾಗರ ವಾಲಿ, ಬಸವರಾಜ ಹೂಗಾರ, ಸುರೇಶ ಚೋಳಿನ,ಬಿ.ಎಸ್.ಜಂತ್ಲಿ, ಶರಣಪ್ಪ ಹಡಪದ ಮತ್ತೀತರರು ಉಪಸ್ಥಿತರಿದ್ದರು.
ವರದಿ : ರವೀಂದ್ರ ಹೊನವಾಡ
ತುಂಬಾ ಅತ್ಯುತ್ತಮ ಕಾರ್ಯಕ್ರಮ. ಶರಣ ಆಶೋಕ ಬರಗುಂಡಿಯವರು ನಿಜಶರಣ ಅಂಬಿಗರ ಚೌಡಯ್ಯನವರ ಬಗೆಗೆ ತುಂಬಾ ಚೆನ್ನಾಗಿ ಮಾತನಾಡಿದ್ದಾರೆ.ಕಾರ್ಯಕ್ರಮ ತುಂಬಾ ಚೆನಾಗಿ ಮೂಡಿಬಂದಿದೆ. ಶರಣಾರ್ಥಿ.